Zëvendës-ndihmës sekretari i SHBA-ve e përgëzon Thaçin për reformat, progresin dhe arritjet e SHKK-së

20:40 | 31 Korrik 2020
A. B.

Drejtori i Përgjithshëm i Shërbimit Korrektues, Nehat Thaçi, sot ka pranuar letër falënderimi nga Zëvendës-ndihmës sekretari i SHBA-së (ZNS), Jorgan Andrews.

Përmes kësaj letre, Zëvendës-ndihmës sekretari i SHBA-ve, ka falenderuar Thaçin për mikëpritjen dhe njeherit ka përgëzuar për reformat, progresin dhe arritjet e SHKK-së, shkruan portali arbresh.info

Andrews përmes kësaj letre falenderimi tha:

“Unë i duartrokas progresit tuaj dhe ju bëj thirrje juve dhe stafit tuaj që të vazhdoni të zbatoni nevojat dhe reformat e guximshme.

Mezi pres të hulumtoj mundësi të tjera ku INL mund të ndihmojë në përpjekjet tuaja ndërsa ne vazhdojmë të punojmë së bashku për të çuar përpara interesat tona të ndërsjella strategjike në Kosovë.” përfundon Andrews. /arbresh.info/